تصريحات تامر أمين عن الصعايدة التي أثارت غصب الجمهور

أثار الإعلامي تامر أمين الجدل مؤخرا، بعد تصريحاته عن الصعايدة، حيث أن مصر بها مولود جديد كل 24 ثانية، ووصف أبناء الصعيد بأنهم يسعوا لإنجاب الأطفال ليعملوا ويقوموا بالإنفاق على الأسرة، ولذلك ينشر موقع «مزادات مصر» تصريحات تامر أمين عن الصعايدة كاملة.

تصريحات تامر أمين عن الصعايدة

قال الإعلامي تامر أمين، في حلقة برنامجه المذاع على قناة النهار، مساء أمس الخميس،: «يعني للأسف الشديد وأنا بقول هذا الكلام ومتزعلوش مني في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل..لا.. ده بيخلفوهم عشان العيال دي هي اللي تصرف على الأب والأم».

وأضاف: «وفيه أسر كتير كتير قوي بيخلف الولد وأول ما الولد ده يبقى عنده 5 أو 6 سنين 7 سنين بالكتير، يقوم هوب راميه على ورشة ورشة سمكرة ..ورشة حداداة.. ورشة دوكو ..ورشة إصلاح سيارات.. يشتغل فواعلي.. يشتغل في البنا.. يشتغل في المعمار.. المهم يشتغل واللي بنسميه إعلاميا بلية».

وتابع: «عارفين الواد بلية.. اللي هو صبي المعلم وصبي الأسطى.. فيروح والأسطى آخر الشهر يديله 500 جنيه أو 1000 جنيه أو 700 جنيه.. ماهو واد صغير 7 سنين.. وياخد الواد الصغير الألف جنيه ويعمل إيه.. يروح يرميهم في حجر ابوه».

وبعد إنتهاء الحقلة، تسببت كلمات تامر امين في حالة غضب كبيرة لدى أهل الصعيد، كما طالب الكثير بإقالة المذيع تامر أمين ومنعه من الظهور على التلفزيون.

وبعد حالة الجدل التي أثيرت من قبل الجمهور، قررت هيئة مكتب المجلس الأعلى لتنظيم الاعلام، وقف برنامج الإعلامى تامر أمين إلى حين استدعائه والتحقيق معه يوم الأحد المقبل.

عن الكاتب

سمر علي