طريقة عمل البسبوسة بالقشطة مع آية حبيب

طريقة عمل البسبوسة بالقشطة آية حبيب من اكثر الزصفات التي تبحث عنها النساء ، خاصة وصفات الشيف البارعة آية حبيب.

طريقة عمل البسبوسة بالقشطة من قناة آية حبيب

وتعتبر الوصفات سهلة وبسيطة والتي سوف نعرضها لكم في هذا المواضوع:

مقادير الوصفة
كوباية سميد ناعم
نص كوباية سكر
معلقتين صغيرين Baking powder
رشة ملح
٣ بيضات
معلقة صغيرة ڤانيليا
كوباية إلا ربع زيت نباتي
كوباية زبادي

مقادير الحشو :
كوبايتين لبن
معلقتين كبار نشا
معلقتين كبار دقيق
معلقة كبيرة سكر
٥ حبات مستكة
ربع كوباية قشطة

مقادير العسل :
ماية مع سكر على نار متوسطة و بعد ما يغلي نسيبه ربع ساعة و بعد كده نضيف عليه ماية زهر و نحطه بارد على البسبوسة و هي سخنة

طريقة التحضير
أول حاجة الفرن يتسخن على حرارة ١٨٠ درجة و يتثب الشبكة في النص
بعد كده نجيب بولة علشان يتعجن فيها السميد مع السكر و الـBaking powder و الملح و البيض و الفانيليا و الزبادي و الزيت و يتخلطوا كلهم مع بعض كويس بمضرب البيض أو يتعجن بالايد عادي لو مفيش مضرب لحد ما العجينة كلها تتماسك مع بعض كويس و تبقى خفيفة
ندهن في الصينية اللي هنخبز فيها شوية زبدة سايحة و يتصب فيها نص كمية العجينة و تتساوى كويس و نجهز الحشو في بولة صغيرة نحط اللبن مع النشا و الدقيق و السكر و المستكة و نضربهم كلهم بمضرب الخفق اليدوي اللي بيكون عامل زي الشبك ده يتقلب بيه بالراحة لحد ما النشا يدوب خالص و يتحط على نار متوسطة مع التقليب بالراحة بردو بمعلقة خشب لحد ما يتخن و في الآخر نحط القشطة و يترفع من على النار و يتحط على طبقة البسبوسة الأولانية و يتوزع كويس و يتساوى و في الآخر تتحط طبقة البسبوسة التانية
تدخل الصينية الفرن لمدة ٢٠ – ٢٥ دقيقة و علشان وشها يتحمر نشغل شواية الفرن دقيقتين أو ٣ دقايق بس
و أول ما تطلع يتحط عليها العسل على طول وهي سخنة علشان ماتنشفش وفي الآخر يترش فسدق و لوز مبشور على الوش و بس كده