طريقة عمل الضاني المندي مع الشيف فاطمة ابو حاتي
طريقة عمل الضاني المندي فاطمة ابو حاتي ، حيث يعتبر المندي من اهم الطرق التي يتم طلبها بشكل كبير على جميع منصات التواصل.
طريقة عمل الضاني المندي مع الشيف فاطمة ابو حاتي
كيف تكون الوصفة ، نطلب من الجزار تقطيع اللحم الضاني حوالي 5 أو 6 قطع مع وضع التوابل مع مراعاة عدم المبالغة في التوابل ، والان الى الوصفة:
طريقة عمل البسبوسة بالقشطة مع آية حبيب
اللحمة ده كانت كتف ضاني خليت الجزار قطعها كبير حوالي 5 أو 6 قطع و ممكن يكون سليم لو مش كبير أوي .. هتتبلها بملح و فلفل ابيض و زعفران وشوية توابل لحمه مشكلة مع مراعاة عدم المبالغة في التوابل عشان متغطيش على طعم اللحمة بعد كده تتقلب في التوابل المذكورة و نجيب خوالي ربع كباية زيت فيها معلقتين كركم يتقلبو في بعض و بعدين يتدهن بيهم اللحمة كويس و تتساب شوية في التلاجة
الرز كان 3 كبايات بسمتي مغسلوين كذا مرة .. في الحلة بصلة متوسطة متقطعة صغير في شوية زيت و معاها شوية توابل جافة عبارة عن لومي( ليمون مجفف) عود أو 2 قرفة و حوالي 5 قرنفل صحيح و كام فص حبهان و ورق لورى و فلفل حراق صحيح قرنين تلاته مثلاً و ممكن فص توم صحيح للي يحب هنقلب التوابل شوية مع البصل لحد ما الريحة بتاعتهم تطلع بس لدرجة تحمير البصب و ننزل عليهم بالرز و نخلطهم و نحط مية فاترة مش كتير بس يدوب يتغطى سطح الرز ب 1 سم او 2 سم مثلا .. نجيب صينية فرن واسعة نحط فيها الرز بميته و نجيب فويل نقفل عليه سطح الصينية باحكام و نخرم الفويل بسكينة كويس .. الاخرام ده اللي هتخلي صوص و توابل اللحمة و الدهون تنزل منها عالرز و تديله الطعم و اللون الاصفر .. هنحط بقا عالفويل اللحمة نرصها كويس على الفويل المخرم و نجيب ورق زبدة على وش اللحمة و بعدين نقفل عليه بطبقة او 2 فويل باحكام جدا جدا و متخرموش تاني كده الرز تحت و فوقه اللحمة و متقفل على الصينية كلها بفويل .. نمسك بقا الصينية ده و نرميها في الفرن درجة حراراته 230 او 250 من تحت و فوق يتحط في نص الفرن على الشبك مش الصاج بتاع الفرن و تطلعه بعد ساعنين و نص إلى 3 ساعات على حسب حجم قطع اللحمة و درجة النضوج المطلوبة .. اللي بيحب الزبيب و اللوز ممكن يحط على وش الرز و ممكن كمان بصل محمر زي اللي بيسموه كوشنة في محلات الكبسات وبالهنا للجميع.
